Kva kan eg gjøre med klimagassane? (hhd10-24)X

Klimagassar som blir sleppte ut ved forbrenning av fossile energikjelder, for eksempel i eit kolkraftverk, påverkar det globale klimaet. Likevel kan vi som enkeltpersonar også vere med og bremse dei totale utsleppa av klimagassar.

• Bytt til ein miljøtilpassa bil som bruker lite drivstoff, biodiesel eller etanol etter kvart som høvet til å velje slike bilar aukar.
• Bytt ut oljefyren og panelomnane med klimanøytral oppvarming som pelletskamin, vedomn, varmepumpe og jordvarme.
• Reduser innetemperaturen med éin til to grader. Lågare innetemperatur krev mindre energi. Finn ut korleis di oppvarmingskjelde kan brukast så effektivt som mulig.
• Reduser varmetapet frå bustaden din ved hjelp av isolasjon, tetningslister og tilpassa ventilasjon.
• Skal de bygge ny bustad, tenk på at store vindusflater aukar varmetapet. Vel oppvarmingskjelde som tar omsyn til klimaet, for eksempel jordvarme eller varmepumpe.
• Reis kollektivt eller reis fleire saman i bilen. Vegtrafikken står for om lag ein femdel av Norges CO2-utslepp. Jo fleire bilar – dess høgare utslepp.
• Vel tog i staden for fly når det er mulig. Flytrafikken veks enormt og flydrivstoff er utelukkande basert på fossilt brensle.
• Vel energieffektive elektriske apparat. Kjøp miljømerka produkt og sjå på energimerkinga på kvitevarer.
• Bruk mindre strøm; slå av lyset når du ikkje treng det og skift til sparepærer.
• Gjenvinn og bruk gamle ressursar på nytt. All råvareutvinning og produksjon krev energi og fører til utslepp.
• Engasjer deg politisk og bidra til at politikarane får aksept for nødvendige klimatiltak, som høgare straum- og bensinprisar.

Kjelde: www.cicero.uio.no